Profetejonges woene ha
in nije wente mei mear romte…
it moast op beamkap ta.

It koe net sûnder de profeet
dêr tusken bosk en streamend wetter…
djip is in bilesneed.

Noch djipper sonk yn de Jordaan
it izer fan de liende bile…
sa kin ’t ferkeard beslaan.

Eliza snie en brûkte hout
foar ’t boppekommen fan it izer…
wat driuwt, is goed fertroud.

Profetejonges hawwe boud
op grûn fan driuwend hout en izer…
soks giet noch boppe goud.

* Skilderij ‘Eliza en de bile’