Sprút út Davids stam

fan ûnbekend*
Jeremia

Ik heinde op Gods oardiel
oer de hoeders fan Jeruzalem:
‘Fersille hawwe sy myn keppel,
seagen dêr net mear nei om,
mar Ik sil nei dy hoeders omsjen,
troch har misdied wurde sy ta skim
fan wat sy yn ’t ferline west ha;
dan helje Ik myn skiep werom
en bring har nei it weidlân ta
om dêr yn oantal oan te winnen
troch de soarch fan goede hoeders.’

Ik heinde op Gods wurden
oer de takomst fan Jeruzalem:
‘Der komt in tiid as dy fan David,
út syn stam ferskynt in Sprút
dy’t kening wurdt en sa regearret
dat elk harket nei syn wize stim,
hy soarget dat it folk it goed hat,
it sjocht nei syn besluten út,
sa dat yn ’t lân it rjochte bart…
Ik helje ’t folk út alle lannen
wei as earder út Egypte.’

* Foto ‘Sprút’