Morele oanslach

fan ûnbekend*

Wat docht men mei tirannen
dy’t gjin acht slaan op ’t bestean
fan ’t eigen folk en folken,
oer morele grinzen gean?

Wa’t moed ha, smeie plannen
mei as doel de ein fan him
mei bloed oan alle fingers,
dan heart nimmen mear syn stim.

Dy stim dy’t rôp en raasde,
mei in hâlding stiif en steil
koe hy it fjoer oanstekke,
rûnom klonk doe it ‘Sieg heil’.

Von Stauffenberg is kommen
mei twa bommen yn de tas,
ien kaam der ta ûntploffing,
mar gjin finger rekke los.

Wat docht men mei de dieder
dy’t it mis hat mei ’t geweld
dat boargers deadlik rekket…
wa is ’t dy’t him hjoed noch meldt?

* Foto ‘Nei de oanslach’