Fan Katyn nei Marioepol

fan ûnbekend*
fan ûnbekend**

Fan Marioepol nei Katyn,
dêr’t fiifentweintichtûzen
skotten klonken yn it stille bosk
foar boargers, prysters, militêren,
inkeld blêden ha doe rûze.

Al tachtich jier is it ferlyn
dat mear as fjouwertûzen
offisieren yn it stille bosk
it libben lieten troch de kûgel,
inkeld blêden ha doe rûze.

Noch klaget yn it bosk de wyn
de Russen oan yn plante
beammen op it stille massagrêf
fan Poalen dy’t ûnskuldich stoaren,
’t gûlen kaam fan alle kanten.

Nei Marioepol fan Katyn
út kin men gean yn tinzen;
knallen klonken yn de stoarne stêd
foar boargers, prysters, militêren,
oarlochslûden gean oer grinzen.

* Foto ‘Massagrêf yn Katyn’
 ** Foto ‘Bombardearre teäter yn Marioepol’