Stedske opwurdearring

De Grienedyk, de dyk fan earder,
kin net langer tsjinje foar it sicht
op greiden en de Houkesleat;
de iuwen troch die hy syn plicht,
hat trou it hege wetter keard.

Mar letter is er transformearre
ta de dyk foar skonken en de fyts
om te genietsjen fan it gea;
foar weinen is er fierste lyts
en yn ’t noardeasten rint er dea.

Sjedêr de dyk wurdt opwurdearre,
dat gjin fytser hat mear ’t romme sicht
oer greiden en de Houkesleat,
mar bliuwt er ek foar weinen ticht
of wurdt gjin auto langer keard?

De Grienedyk, de dyk fan earder,
krijt de opwurdearring yn de stêd,
hjit wolkom ’t stadichoan-ferkear,
it giet mei weinen fierste rêd,
dy wurde letter ek wer keard.