Nei simmertiid

De nacht friet op in oere
en spuide dy út nei de dei
om justjes langer te genietsjen
fan it ljocht as yn de jûn
de dowen ‘lekker sliepe’ koere.

Mar moarns by it lemieren,
wannear’t de sliep min ôfskie nimt
mei mannich lûs noch yn de eagen,
is der langstme nei de jûn
om mei de dowen feest te fieren.

Men sjocht it ljocht net brekken
troch de walen fan de iere moarn
om fan it skouspul te genietsjen,
troch de simmertiid ek jûn
om heech de loftrompet te stekken.