Macht oan kweajonges

Jesaja

De Heare God lit witte
wêr’t hy al mei dwaande is:
de omkear yn de maatskippij,
wa’t heech klom, lit er sitte…

… de stoere man en de soldaat,
de rjochter en profeet,
de wize âlde en foarsizzer,
de man fan oansjen en foarop,
de riedshear en de tsjoender
en wa’t gefaar beswart.

Kweajonges lit God sitte
yn de rûnte fan ’t bestjoer,
sy sille it te sizzen ha,
mar sûnder it te witten.

Sil hy dan ’t foartou nimme
mei in mantel om de lea?
Hy hat gjin iten yn de hûs,
gjin kaam om ’t hier te kjimmen.