Dizenige poaten

It wie in moarntiid mei de dize
oer it fjild, wat joech de sfear
om minder skerp te sjen
en út en troch te rieden,
mar wie men dêrmei klear?

In keppel jout earst gjin betizing,
want it each sjocht it gehiel,
’t detail giet sa ferlern;
wat hat it ek te bieden
as mar in ûnderdiel?

Ynienen krijt it wat bysûnders
as in ko mear poaten telt
as fjouwer, sa te sjen;
in bern dat noch net skiede
kin, is wat de geast fertelt.