Fjouwer trompetstjitten

fan ûnbekend*

De earste stjit op ’e trompet
rôp heil en fjoer op, dêr trochhinne
bloed, ’t waard op ’e ierde smiten…
in tredde part oerlibbe ’t net.

De twadde stjit rôp op in ding
lykas in berch yn ljochte lôge,
yn de weagen waard it smiten…
in tredde part oerlibbe ’t net.

In stjer foel by de tredde stjit
op wetterboarnen en rivieren;
fan it wetter waard in tredde
part aalst**, te drinken wie it net.

De fjirde stjit op ’e trompet
fertsjustere in tredde part fan
sinne, moanne en de stjerren,
de ierde waard yn ’t skimer set.

* Yllustraasje ‘Ingels’
** bitter