Folk yn wite klean

fan ûnbekend*

Foar myn eagen kaam in smite folk
út alle stammen, alle naasjes,
folk dat net te tellen wie,
yn wite klean, palmtûken yn de hân,
folk dat foar de troan
en foar it Laam stie,
lûd rôp it, ien fan toan:
‘It heil komt fan ús God,
dy’t op ’e troan sit, ek fan ’t Laam.’
Foar myn eagen kamen himelingen:
ingels, âldsten, wêzens yn in staasje
nei de troan, se songen, ien fan toan:
‘Wiswier, de lof, de hearlikheid,
de wiisheid, eare, macht en krêft,
dy komme ta oan God yn ivichheid.’
Ien fan de âldsten spriek my oan:
‘Dit folk komt út benearingen
fan honger, toarst en ek ferfolging
en drage allegearre wite klean,
dy’t wosken binne yn it bloed fan ’t Laam,
dat harren weidzje sil, dêrnei sil ’t gean
nei wetterboarnen fan it libben
en is it wer ta kalmte kaam,
God sil de triennen út ’e eagen feie.’

* Yllustraasje ‘Folk dat net te tellen is’