Julius mei Paulus op see

fan ûnbekend*

Legerkaptein, net as skipper,
yn dy funksje stapte ik oan board
om Paulus oer te bringen
nei de keizer, dêr’t er hinne woe
as boarger, mar as Joad?

Gjin ferstân fan waar en weagen,
dêrom liet ik oan de skipper oer
om feilich oer te bringen
Paulus, dy’t op see net flechtsje koe,
dochs waard de reis in toer.

Sidon, Cyprus en doe fierder,
myn beslút om oer te stappen op
in skip dat foer nei Rome;
Kreta kaam yn sicht, dêr’t Paulus woe
it leafst in winterstop.

Legerkaptein, dus gjin skipper,
dy’t it foar it sizzen hie, dat kop
derfoar, gjin deade dingen
baas; wa’t nei de keizer woe, dy soe
nei Romes heechste top.

* Kaartsje ‘Paulus’ reis nei Rome’