Apollos fan Alexandrië

fan ûnbekend*

As gelearde stean ik goed bekend,
wat lang net alles seit:
ik moast as Joad oer grinzen hinne
om mei Kristus op te tsjen,
fan hearren sizzen learde ik him kennen.

Oan joadske wetten bin ik wend,
gjin kwea wurd oer dy lear,
mar Kristus’ libben hat my rekke,
libje om foarút te sjen,
hoewol… men moat net mei ’t ferline brekke.

Kristus’ libben, my net goed bekend,
kriich ik fan oaren troch,
’k ha alles my fertelle litten,
lykas wie ik noch in bern,
gelearden kinne ek net alles witte.

Hoe’t it libben foar my fierder rint?
As kristen gean ik troch,
dat ek de Joaden derfan witte.

* Foto ‘Alexandrië’