Kleur foar Cyprus

fan Rafaël*

As Romeinske gûverneur
op Cyprus ha ik ûnderfining
mei de Joaden yn de stêd;
nim Elymas yn ’t swarte kleed,
hy blinkt net út yn fleur
en die him foar as in profeet.

Mar syn tsjoenderij wie oer
doe’t Paulus en syn maten kamen
mei in boadskip foar de stêd;
foar Elymas wie dat mar skyn,
it makke Paulus poer:
‘Do tsjoender wurdst op slach noch blyn!’

Swart it kleed en neare nacht,
dat Elymas kriich gjin ferskining
fan de Hear, dy’t Paulus brocht
oan Cyprus mei syn gûverneur:
ik naam syn lear yn acht,
de omslach brocht foar ’t eilân kleur.

* Rafaël (1483-1520)
Skilderij ‘Elymas wurdt blyn’