Stim fan de frou

fan ûnbekend*

De fraach is: hat de frou gjin stim
om libbenswiis te praten,
folget sy allinnich him
dy’t gearspant mei syn maten?

Yn Londen folge sy har aard
fan stride foar har rjochten,
want lykweardich is it paad
dêr’t froulju lang om sochten.

Mear stimmen as in heal miljoen,
sa lûd klonk de petysje,
’t waard de froulju net ferjûn,
’t geweld kaam fan de plysje…

… doe’t froulju stoarmen nei it hûs
dêr’t redendielden hearen
oer steatssaken by de rûs
en hoe de frou te kearen.

It antwurd wie: de finzenis
is better as in boete,
froulju wurde dêrmei wis
fan hoe de hear te moetsjen.

* Foto ‘Demonstraasje suffragettes’