Simmertiid

Der wie gjin harsens op ’e planken
fan de Snitser bûlevaar,
it wie ek noch betiid
mei ’t kommen út ’e winter wei,
mar ’t lei net oan it waar.

De Houkesleat lei al lang iepen,
hie de maitiid al foarfield
en wachte op ’e tiid
fan mear beweging troch de dei,
it leafst dêroer ferdield.

Hjoed wie de moarntiid folle stiller
troch noch altyd wintersliep;
de oergong wie in striid
omdat men leaver lekker lei,
’t wie snein, gjin wurktiid kniep.

Sjedêr, gjin harsens, mar wol mouwen,
boksen, alles dweiltrochwiet,
de helte op ’e kop;
foarfield waard dizze maitiidsdei,
dêrmei de simmertiid.