Lykfarskip foar Earnewâld

Ut it skûtsje-argyf 2006

It woe net mear de lêste jierren,
mei Emanuel wie God net mear,
mar Earnewâld hie neat misdien,
dus wiene sy mei ’t skûtsje klear…
wat waard doe iepenbierre?

Jehannes Taekema hie libbe
foar syn skûtsje dat wol sile woe
en dêr’t er dea mei foer nei ’t doarp;
de Earnewâldsters fregen: ‘Soe
dat skip nei ’t heechste stribje?’

It keappetear hat net lang duorre,
it gie om ’t ruiljen foar Emanuel
en noch in kapitaal derby;
it âlde skûtsje bleau yn tel,
wol minder as ‘Twa Bruorren’.

De fraach bleau: wat wurdt iepenbierre
yn de takomst as it oankomt op
de striid fan Grou oant Snitser mar,
berikt it lykfarskip de top
of wreekt God no fan fierren?