Warskôging fan Atlantis

fan ûnbekend*

Ubatuba is de namme,
klinkend oer it Fortaleza-strân,
in echo út in skjin ferline,
doe’t it wâld noch lieten song
oer sterke woartels, hege stammen.

Doe’t Atlantis, eal fan namme,
bloeide legindarysk boppe ’t strân,
liet har ljocht oer weagen skine,
mar troch wanbelied djip sonk,
it folk hat him dêr net foar skamme.

Sil ’t Atlantysk wâld ek sinke
lykas doe Atlantis mei syn strân?
Lit Ubatuba net ferdwine
yn ’t klimaat fan ‘gean dyn gong’,
te let is ’t as dyn bern ferdrinke.

* Foto ‘Fortaleza-strân yn Ubatuba, Brazilië’