Fierst, leechst en heechst

fan ûnbekend*

Fier, fierder, fierst,
dat seit wat fan it kâlde Iislân,
fierder noch fan de Westfjorden,
fan dit skiereilân it fierste diel,
in paradys foar de toerist.

Leech, leger, leechst,
it leechste diel fan ’t fiere Iislân,
minsken ha dêr folop romte,
fiele har in diel fan it gehiel
en rikke allegear it heechst.

Heech, heger, heechst,
de fûgels klimme boppe kliffen
út, noch heger, fier de romte
yn, in ûnderdiel fan ’t paradys,
foar minsken is dy klim it dreechst.

* Foto ‘Strandir op Westfjorden, Iislân’