Berne Azoaren

fan ûnbekend*

Sjedêr in prachtich bouwurk
fan it trijeplatepunt:
in rûn fulkaankompleks
mei wetter út ’e himel
dat fiedt it griene gea…
fan de natoer in stunt.

Djip ûnder de Azoaren
komme trije platen gear,
wat hat wol wat fan seks,
it trillet en it skoddet,
men fielt it oan de lea…
se kamen eartiids klear.

Bern binne de Azoaren,
kreas fan oansjen, heech fan stal,
fan aard wol wat kompleks,
se stribje nei de himel
op ierde, gean nea dea…
foar ivich yn har rol.

* Foto ‘Lagoa de Santiago
op ien fan de Azoaren’