Hy hat it roer út hannen jûn,
hiel oars as alve jier ferlyn:
fan ’t Drachtster skûtsje skipper ôf;
it rûn op ’t lêst mar min mei wyn
dy’t twirre: Hattum* wie net sûn.

De swierte fan it skip wie gjin
probleem doe’t skûtsjes bleauwen âld,
dat Aldert** wie faak nûmer twa,
mar skippers ha in koart ûnthâld
as ’t moat sa’t it fan âlds net kin.

Ien skipper bleau tradysjes trou,
foar Hattum woech it âlde swier,
dat nûmer twa waard tsien derby,
dochs bleau er tweintich jier yn ’t spier,
waard evenredich skipper ôf.

* Hattum Hoekstra
** Aldert Hoekstra, de heit fan Hattum

Foto’s fan Johan Witteveen/Sj. Andringa