De eagen op it achterdek
besjogge ’t hiele fjild
en litte ’t út ‘e mûlen rinne:
‘Sjochris hoe’t it troch de waring spielt
by Rienk*… te ier… ferrek!’

Dy Zwaga starte op ‘e nij,
grimmitich liet er sjen,
de SWH wol hjoed wol rinne:
‘Sjochris hoe’t er knypt, hy komt derby,
te ier, mar net ferlern!’

De oare Zwaga**, Rienk syn broer,
yn ’t striden like fûl,
woe ha heit Ulbe om him hinne:
‘Sjochris, sit dy âlde dêr oan ’t roer?
Dy hâldt de kop wol koel!’

Sa net op de Immanuël,
want Hidzer*** hat de hân
op ’t helmhout sa te sjen allinne:
‘Sjoch, de Leave Hear is mei dat stel,
plak acht as bêste stân!’

Mei rjochte rêch wer op it roer
sit Sietse**** skerp te sjen
nei dagen dat er amper rinne
koe: ‘Ik waard fersoarge as in bern,
mar sjoch hoe’t ik wer stjoer!’

* Rienk Zwaga
** Lammert Zwaga
*** Hidzer Meeter
**** Sietse Hobma