Gjin wûnder, Snits kin alle hoeken
fan syn mar en sylt der rap trochhinne,
brûst oer de Grevinnewei
en sil sa’t liket winne.

Wat deale, ’t Hearrenfean syn tûke
slaggen kinne ’t Panskip noch bedrige
deunby de Grevinnewei,
it sil der net om lige.

Wol miter, ’t moat by ’t Fean net skever
wol de H net weagje yn it wetter
boppe de Grevinnewei,
it is te let, hy kletteret.

Oerein dan mar, it seil mei reven
sa’t it liket, slacht wyld om him hinne,
poer op de Grevinnewei,
it is net mear te winnen.