Fan sân kear read nei ien

Ut it skûtsje-argyf 2004

Sân protesten yn it want,
it kleure op De Feanhoop read
fanwege de beheinde romte,
dus gie it mannich kear ferkeard
en waard de flagge oan de stieltrie spand.

Nûmer fjirtjin sylde hurd,
woe troch de gatten nei de kop,
mar krige dêrfoar net de romte;
it waard foar Huzum ek in strop,
de wite kaam terjochte yn de sturt.

Fan sân flaggen yn it want
bleau foar de finish mar ien oer,
se joegen oan elkoar de romte;
foar Huzum wie de útslach soer,
mei fjirtjin punten doogde ’t fan gjin kant.