It wie gjin waar foar Earnewâld,
dêr’t beammen heine altyd wyn,
ek hjoed, al wie it stil,
dochs sile, want it rjocht is âld;
ien skipper hie in sterke wil
en dus de gong deryn.

’t Wie Tjitte Brouwer fan Langwar,
de skipper fan it swierste skip,
dy’t wolris winne woe,
want sân jier neat wie him te bar,
te meager, dêrom fet, ferhip,
as dat no hjoed ris koe.

Fan trettjin nei it earste plak,
fan ûngelok nei ’t heechste lok,
de flagge koe dus út,
mar wylst Langwar gie út it dak,
briek Earnewâld de flaggestok,
healstok, in tryst beslút.