Hjoed soe ’t wêze moatte
as finale fan de geast
fan fjirtjin dagen lang,
mar ’t like krekt as boarten
duvels om it meast.

Heinend alle twirren
bleau der mar in bytsje oer,
mar foar gjin duvel bang
seach ’t moantsje al fan fierren
hoe’t it healwyn foer.

Romjend alle skoaten
dat de geast wer sylde mei
de skippers op it roer,
foer dochs in float fan boaten
brommend as standby.

Lizzend wyt derhinne,
beide bruorren yn ’t ferbûn
tsjin duvels en har moer,
de iene* wie de winner,
oare** kampioen.

* Siete Meeter
** Loadewyk Meeter