fan ûnbekend*

Al fier ’t foar ’t stokâld Grikelân
de knibbels bûgde foar syn Venus,
wist in oar folk fan de hechte bân,
dy fan de fagina en penis.

Hy gie al ier yn ’t fjild op jacht,
skeat wylde bisten, mar ek froulju,
dieren troch de dei, de frou by nacht,
sa wie it machtsgebrûk by manlju.

Mar waard syn frou fan ’t siedzjen swier,
dan gie syn hân oer búk en boarsten,
want sy wie him leaver as in dier,
syn kalkstien-keunstwurk stie op barsten.

* Byldsje fan kalkstien ‘Venus fan Willendorf’
(25.000 jier foar Kristus)