fan William Sadler II*
Hy riisde as de sinne
op ‘e nij nei ’t heechste punt,
fan Elba nei Parys;
de keizer makke mei syn stunt
it paad frij om te winnen.
Fan ’t suden nei it noarden
mei it leger derop ôf:
Ligny en Quatre-Bras;
de fijân rekke yn it nau,
mar briek út Frânske koarden.
Ien steat tsjin alliearden,
wylst it kaam mei bakken del,
de rein by Waterloo;
de Frânsen rekken yn in hel,
sadat de kânsen kearden.
Hy sakke as de sinne
yn it westen nei de see,
op Sint Helena del;
de keizer kriich syn lêste stee
om inkeld noch te rinnen.
* William Sadler II (1782-1839)
Skilderij ‘Slach by Waterloo’
|
