Jan Carel Josephus, as bern
moast hy syn âlden al ferlieze,
’t libben griisde him doe oan,
as jonkje hie hy neat te kiezen.

Jan Carel Josephus, as wees
waard hy mei oare bern opfieden,
jierren op deselde toan,
as jonkje hie hy neat te bieden.

Jan Carel Josephus wie grut
mei admiraals, syn grutte helden,
seach De Ruyter op ‘e troan,
dy’t oer syn eigen dea fertelde.

* Hendrik Breukelaar (1809-1839)
Skilderij ‘Van Speyk by it grêf fan De Ruyter’