Godstsjinst as pyromaan

fan ûnbekend*

It lân dat iuwen hearske oer
de weagen, ek de heale wrâld
syn wil oplei, hold net mear stân:
koloanjes waarden steaten,
oerbleau inkeld Ingelân.

Lit Yndia en Pakistan
har eigen frije gong mar gean,
sy libje neffens har natuer:
in stambeam mei syn leaten,
boppedat bloeit de kultuer.

Natuer, kultuer, ferjit dan net
de godstsjinst, boppe alles út
giet Allah en de goadewrâld,
dy’t minsken ’t heil yngeaten,
ûnheil makket folken kâld.

Lit Yndia en Pakistan
net stride om de steat Kashmir,
want frijheid hâldt net langer stân
mei beammen sûnder leaten…
godstsjinst stekt it lân yn brân.

* Kaart ‘Konflikt Kashmir’