Frede fan Breda

admin

oktober 9, 2016

Frede fan Breda

fan Romeyn de Hooghe*

In oarloch hat begjin en ein,
de ein kaam nei de Theems-blokkade,
hiel Londen rekke yn panyk,
de seefeart-naasje wie ferslein,
dat winner waard de Rebublyk.Gjin frede sûnder in ferdrach,
mar net yn Londen waard dy sletten,
noch ware op ‘e Theems it byld
fan ’t brutsen keatting foar de slach,
de skeakels ha de pine field.

Breda hie plak yn syn kastiel
foar fredesdo en diplomaten,
de skiednis kaam dêr klear yn byld,
elk krige mei ferdrach syn diel,
de wrâld waard op ‘e nij besyld:

Foar Ingelân Nij-Amsterdam,
de Republyk kriich Suriname.