Trettjin jier, noch mar in puber,
kaam syn dream út, as matroas
keas hy foar de marine;
mei de see- en krûdlucht yn de noas
koe hy syn draai wol fine.

Jacob seach by Philippine
hoe’t de Belgen foeren nei
de sloep mei trije kleuren;
kûgelsrap naam hy de flagge mei,
in held mei dissipline.

Elkenien kaam it te witten
dat de held wie in matroas,
sa’n die wie dik yn oarder;
Jacob hie foar ear in skerpe noas,
hy kriich de Willems-Oarder.

* Yllustraasje ‘Jacob Hobein rêdt de flagge’

** Jan Willem Pieneman (1779-1853)
Skilderij ‘Jacob Hobein’