Bisten fan Lascaux

fan ûnbekend*

As maten út ’e sleurgong brekke
fan de dei dy’t neat te bieden hat,
dan folgje sy de oer-natoer
fan jagers op it grutte wyld
en sjoch wat sy ûntdekke…

… in gat dat maten djipper fiere
sil as nei wat sleur te bieden hat:
de bylden fan de oer-natoer,
de prehistoarje mei it wyld
dat libbe doe op ierde.

De maten ha ’t ferline rekke,
meitsje oan de wrâld de jacht bekend;
histoarysk is de bûnte bút
fan bisten op ’e hurde rots,
in spear stekt nei de nekke.

It folk, dat ek op wylde dieren
jeie wol, ferskynt massaal op ’t plak
dêr’t jagers bylden bisten út;
ûntsnappe as grut risiko
liedt ta in stop ynfiere.

* Yllustraasje ‘Dieren fan Lascaux’