Alka Seltzer

fan ûnbekend*

As in hammer slacht it yn de kop
nei tolve glêzen skomjend bier
en nei in nacht yn koma…
skerpe spikers ûnder ’t hier.

Wat ferslacht de kater yn de kop?
Gjin tange kriich hâldfêst
op spikers sûnder kop, dat
sûpers holden oeren lêst.

Yn it lân fan dream en djippe winsk
waard nei in middel socht
dat brûsde yn de mage,
spikers boppe wetter brocht.

Alka Seltzer brûsde troch de lea,
kniep spikers út ’e kop
en liet de dei wer komme
nei de nacht… it bier wie op.

* Yllustraasje ‘Alka Seltzer’