Gustave Doré

Yn de stêd mei al syn wiken
libje minsken troch de tiid,
yn de fila’s feestje riken,
mar de earmen kenne striid.

Sjoch de rike sûnder namme
yn it poarper, heech fan hert,
yn syn litten ûnbeskamme,
want de earmen sjocht er net.

Sjoch no Lazarus dêr sitten
mei de swolms oer hiel de lea,
hûnen kinne it net litte,
slikje oant syn wrede dea.

Namleas dea giet ek de rike,
nettsjinsteande heech fan stân,
is it libben fan him wike
sûnder die as ûnderpân.

Sjoch no Lazarus dêr sitten
yn it ljocht nêst Abraham,
hy hat fan ellinde witten,
heart foargoed by heite stam.

Sjoch de rike sûnder namme
yn de lôge, lyts fan hert,
sûnder ûnderpân ferlamme,
dat it libben rikt er net.

Sjoch ek: Religy Tsjinst fan de omkearde wrâld