Isfahan

fan ûnbekend*

De túnman en de dea,
dy hawwe elkoar moete,
net yn Israel, want dan
soe ’t oarlochsfolk wol frede
slute, ’t wie yn Isfahan.

De túnman wie gewoan
in boarger op ’e ierde,
wie ’t yn Gaza of Iran?
’t Koe Israel ek wêze,
mar ’t wie yn Isfahan.

De dea ferljochte earst
de himel mei syn fjoerwurk,
Allah en Jahweh yn ’t span
fan moardners op ’e ierde,
Israel of wie ’t Iran?

De túnman hie gjin kar
en moast de dea wol moetsje
neffens in strategysk plan
fan fjoerwurk foar de deaslach,
harkje mar nei Isfahan.

* Yllustraasje ‘De túnman en de dea’