Holle dommens

fan ûnbekend*

Holodomor,
Oekraynske hongersneed,
sa wie ’t belied fan Stalin,
genoside trof ’t ûnskuldich folk,
miljoenen deaden nei lang leed.

Holocaust,
net te leauwen al dat leed
troch pogroms en yn kampen,
genoside trof ’t ûnskuldich folk,
miljoenen deaden oan ien gleed.

Holy dominance**,
hillich is de hongersneed
as faktor yn de oarloch
tsjin Hamas en it ûnskuldich folk…
hoefolle binne der yn need?

Holle dommens
dat mynhear de presidint
fan Israel yn oarloch
tsjin Hamas en it ûnskuldich folk
hat him yn hjoed de dei fersind.

* Foto ‘Holodomor’
** Oerhearsking