Fryslâns goaderie

admin

oktober 30, 2016

Fryslâns goaderie

Soemerië hie tolve goaden,
âld en jong yn de famyljerie
dy’t yn de mande ’t Al bestjoerde,
soan dy’t foar de heit net ûnderdie
en dochter dy’t har ek wol roerde.

Se skreauwen yn de klaai har nammen,
spikertekens rjocht en sûnder sier:
god Anoe, Enki, Oetoe, Enlil
tilden oan har taal en oarsprong swier,
hoewol ferskil, se wiene ien fan wil.

Dy wil hat Fryslân aneksearre:
jong en âld yn de provinsjerie,
de sparringpartner en de buddy
meitsje fan it goadewurd in die,
mar taal ferwurdt al gau ta smurry.