juni 29, 2019
fan Paulus*
Galatiërs, ik winskje jimme
frede ta, genede fan de Hear,
syn boadskip ha ik brocht;
jim komme út it westen wei,
Jeruzalem is jimme frjemd,
syn boadskip hoecht men net mei
yn te stimmen.
Ik bin ferheard dat jimme kieze
foar in hiel oar bliid boadskip, net sa klear
as dat ik jimme brocht
ha, mar ik jou myn taak net oer;
jim kar is oan myn boadskip frjemd
en makket elkenien oer-
stjoer, betize.
* Kopy fan Galatiërs 1,1-8 út sirka 200
juni 28, 2019
fan ûnbekend*
Sân pretendinten foar de troan
fan Perzië… wa soe it wurde
wie de fraach… der wie gjin keningssoan,
gjin swurden waarden lutsen.
Sân hynders kamen út ’e stâl
noch foar it rizen fan de sinne;
joech in hynder lûd, it heart no mâl,
dan wie de kening keazen.
Dareios’ hynder wrinzge lûd
by ’t rûken fan syn leave merje,
foar syn ruter wie de keningsgroet
fan seis, dy’t fierder swijden.
De Perzen teagen yn de striid,
dy’t sy by Maraton ferlearen
fan de Griken, wat gie troch de tiid
as slach fan ’t hymjend draven.
Dareios joech gjin inkeld lûd,
lykas syn hynder net mear wrinzge.
* Ofbylding ‘Dareios/Darius I’