oktober 12, 2020
Fleane, swimme, dûke,
’t binne fûgels fan komsa,
kom allegearre yn formaasje,
dan sil gjin fisk mear wille ha.
Wjukken om te brûken,
snaffels slaan ynienen ta,
nei mei-inoar kommunikaasje,
gjin fisk ûntsnapt deroan, no sa!
Fiskje sûnder fûken,
konkurrinsje, nee, net sa,
men docht it foar de hiele naasje,
dêr wol dy naasje wol op ta.
oktober 11, 2020
fan ûnbekend*
fan ûnbekend**
Pinocchio lit dúdlik sjen
wat eigen leugens dogge mei syn noas:
men kin it oan de langte witte
dat syn gewisse is ek oars
as oars, hy moat der wol mei sitte.
John Larson, earstejiersstudint,
wist wat in leugen mei it lichem docht:
in hege bloeddruk, hertslach, switte;
dy wittenskip joech him it rjocht
om mei in apparaat te mjitten.
It apparaat, de polygraaf,
skriuwt op wat ’t lichem sa al lit en docht
as resjersjeurs har fragen stelle;
sa komt de leugen oan it ljocht
en wurdt de wierheid rap ynhelle.
* Yllustraasje ‘Pinocchio’
** Foto ‘Leugendetektor’
