oktober 18, 2021
Gjin fûgel ropt it roekoe
oer de weagen fan de Snitser mar,
syn rop klinkt by de Potten,
hy nimt de beammen dus foar kar.
Gjin miuw fljocht nei de pôle
dy’t de namme Roekoe earder hie,
dat eilân is ferdronken,
it wist mei ’t minne waar gjin rie.
Foar him wie stoarm korona,
’t firus dat him deadlik troffen hat,
de ein fan Roekoepôle…
sjedêr wat folle letter bart.
Twa jier gjin skûtsjesilen,
dat de skippers fielden har as wees,
de ein fan de tradysje?
Sjedêr de Roekoepôlerace!
oktober 17, 2021
fan ûnbekend*
fan ûnbekend**
Elk organisme kin se krije,
sykten dy’t him nei it libben stean,
beheind earst ta epidemy,
mar oer de grinzen hinne
is der sprake fan in pandemy.
Ek beammen ha dêrfan te lijen:
yn ’t ferline yn ús lân de yp,
beheind earst ta epidemy,
mar doe’t de kever reizgje
woe, spriek hy: ‘It wurdt in pandemy.’
De kever reizge mei in skimmel
op en liet dy op ’e ipen los,
gjin hâlden wie der doe mear oan,
’t gie oer de grinzen hinne,
withoefolle ipen binne stoarn.
Gjin kever stiet bekend as himmel,
komt dus fan syn skimmelmaat net ôf,
sa kaam der wer in pandemy,
doe folge nije oanplant,
wat brocht by de ipen eufory.
* Foto ‘Ypsykte’
** Foto ‘Ipen’
