augustus 25, 2022
fan Francisco de Goya*
Tusken him en har is noch in tou,
foar him ferbining mei in heks,
foar har is gjin ûntkommen oan
wat foar har leit, sy is al skieden
fan ’t bestean, har eks.
Sy bestie, dus wie se dêroan trou,
de man liet har allinnich stean,
sa kaam sy ek net oan in soan
dy’t mem seach as in skat op ierde
om foar har te gean.
Dat gjinien seach har mear as in frou
dy’t noch de muoite wurdich wie
om troch te gean oant oaremoarn…
wat hie har libben noch te bieden
as dat sy bestie?
* Francisco de Goya (1746-1828)
Skilderij ‘Terjochtstelling fan in heks’
augustus 24, 2022
fan ûnbekend*
Jeremia
Ik hearde fan de Hear noch mear:
‘Se sparje harren skonken net,
ha nocht oan swalkjen, witwêr…
Ik bin lykwols dêrmei klear.
Dyn bidden foar dit folk hat west,
Ik hoech de offers ek net mear,
ferdylgje sil Ik har troch
oarloch, honger en de pest.’
Ik hearde ’t oan en ha doe sein:
‘Och God, myn Hear, sa sil it net,
want de profeten sizze
’t folk wurdt net troch lijen slein.’
De Heare naam doe wer it wurd:
‘Profeten profetearje falsk,
sy sille sels omkomme
troch de oarloch en it swurd.’
Doe hearde ik by einbeslút
dat oeral minsken leine, want
gjin lyk waard noch begroeven…
stoarte God it kwea sa út?
* Yllustraasje ‘Swalker yn de mist’