Titus Manlius Torquatus

fan Ferdinand Bol*

As jonge koed er net goed prate,
wat syn heit net lije mocht,
sadat er amper bûten kaam
en yn de hûs de klappen kriich,
mar nea hat hy heit hate,
kaam yn ’t tribunaal sels foar him op.

Yn Rome waard de soan fereare
as de rêder fan syn heit,
wat him perfoarst te goede kaam:
as militêr tribún de kriich
yn om mei moed te kearen
de Galliër, dy koste it de kop.

Syn eigen soan hie moedich striden
sûnder opdracht fan de heit,
wat tsjin de dissipline wie,
sadat de klap dy’t hy doe kriich,
hurd oankaam, yn dy tiden
de deastraf… folge heit syn eigen op?

* Ferdinand Bol (1616-1680)
Skilderij ‘Titus Manlius Torquatus
lit syn soan ûnthalzje’