Telephos

fan ûnbekend*

Hy wie de soan fan Herakles,
lei earst oan ’t boarst fan Auge,
dy’t yn in kiste sletten waard
en smiten op ’e weagen
fan de see.

Wat barde doe mei Telephos?
Hy wie noch mar in jonkje,
dat him perfoarst net rêde koe;
as fûnling waard er fieden
troch in ree.

As man gie hy de oarloch yn
en focht yn ’t earst foar Troje;
hy trof Achilleus yn de striid
en rekke swier ferwûne,
djip wie de sneed.

’t Orakel joech him dit berjocht:
‘Achilleus sil genêze
de wûne dy’t er stutsen hat.’
Ta freon waard sa de fijân,
help út ’e need.

Byld ‘Herakles en Telephos’