Semele

fan Peter Paul Rubens*

Semele,
kreaze keningsdochter,
oantaast troch god Zeus,
rap al swier fan Dionysos,
har begjin wie tsjuster,
oan de ein waard ’t ljochter.

Hera,
Zeus syn frou liet witte,
hy moast syn macht sjen
litte, har troch wjerljocht reitsje,
dus soe sy ferskroeie,
sa it bern ferjitte?

Dionysos
waard úteinlik berne
út ’e bil fan Zeus,
koe syn mem wer libben meitsje,
brocht har nei Olympos
om oan him te wennen.

* Peter Paul Rubens (1577-1640)
Skilderij ‘Zeus en Semele’