Berenike

fan ûnbekend*

As in stjer, sa skitterjend
wie Berenike as prinses,
har skientme koe gjin grinzen,
rûnom rekke sy bekend.

Net allinnich stjer, as do
klapwjukke sy ek hegerop,
sy hold de trou yn tinzen,
troude mei de farao.

Doe’t har man op fjildtocht gie,
die Berenike in ûnthjit:
har hierlok as in offer
as hy einlings foar har stie.

Einlings kaam har skat werom,
dus knipte sy in hierlok ôf:
’t geskink foar Aphrodite,
foar de farao de rom.

As sân stjerren, skitterjend,
sa striele Berenikes lok
yn Coma Berenices,
’t stjerrebyld by elk bekend.

* Munt ‘Berenike’