Wâldsein op ien ein

Ut ’e aktualiteit fan 2019

Wâldsein wie útrûn op ien ein,
de polderdyk by de Yndyk,
dêr soe de striid begjinne
mei krêft trije, waard foarsein,
de fiif soe ’t sels fan fjouwer winne.

Start ien wie net in goed begjin,
de twadde krige wol gelyk,
de skûtsjes koene sile,
oan de wyn rûn ’t nei it sin:
oer bakboard yn in flugge file.

It wâlfolk kaam optein oerein
foar ’t spul tichtby de polderdyk,
dêr’t hege baren rûnen,
’t wetter spielde oars as rein,
mar sloech yn de Yndyk gjin wûnen.

Wâldsein rûn net en sakke ôf,
mei ’t Hearrenfean wie’t gjin ferlyk,
dat soe úteinlik winne,
wylst De Lemmer en Doarp Grou
de striid beskôgen as in minne.