Takomst winne

Wêr’t it hinne rint of driuwt,
gjinien kin sizze hoe’t it komt,
de takomst lit neat witte
oer wat op it minskdom takomt,
wêr’t men weikomt, is te mjitten.

Wolken is gjin mjitten oan,
feroarje fluch, fan tel oant tel,
ferbyldzje sa de minske,
dy’t dynamysk troch it libben
rint, gjin weet noch hat fan moarn.

Driuw net mei de wolken mei,
dy’t meisleept wurde troch de wyn,
oplosse yn de sinne;
wat de minske takomt, nimt er
mei, de takomst is te winnen.