Swetten

oktober 10, 2016

De pleats stie op ‘e grins,
de râne fan de stêd
mei útsicht op ‘e Swette.
It wie de boer syn winsk
dat op syn eigen mêd
hy mei it libben rette.

De stêd betocht in wyk
foar eigen folk, ferlei
de swetten by de Swette.
De boer moast wol omlyk
en op syn âlde dei
koe hy dit ûnrjocht frette.

De nijboer kaam mei ’t plan
fan trochbraak en ferlei
op eigen wize swetten.
En foar de stedswykman
oerbrêge hy de wei
fan wetter nei de Swette.

Recente berichten