Stoppelpealtsjes

oktober 11, 2016

As neat de groei yn streken liedt,
dan slacht it grien wyld om him hinne
oant as teken der in pealtsje stiet:
safier, gjin blêd der mear oerhinne!

In wite mylpeal op ‘e bou
dêr’t rigen ’t measte sicht ûntnimme,
inkeld stiel rikt heger yn it blau,
de spanning kin men swak fernimme.

Want sterk beslacht de minskehân
de bou yn masinale streken,
wylst de stoppelpealtsjes op it lân
ferwize nei de toer as teken.

Recente berichten