Stedsflecht

admin

oktober 21, 2016

Stedsflecht

Gjin spoar op ’t paad, in sniewyt bêd,
dat tusken parallelle kanten leit,
in rêstplak foar de wurge holle;
yn de fierte leit de brêge
dy’t al moannen net mear draait,
is dit de stêd?

De fierte lit in oar byld sjen:
twa parallelle spoaren oer de dyk,
yn dit ferbân wol ien tefolle;
stappen stean foar rjochte rêgen,
mar dy krije net gelyk,
wat giet ferlern?

De loft is leech en lit ferlies
sjen fan ’t gaotysk, kriezjend miuwefolk,
in flecht dy’t winternachten wolle;
klomjend by de opklapbrêge
yn de stêd driuwt as in wolk
de flecht oer ’t iis.